Konsert med Eirik Levang
Fyresdal kulturhus
Eirik Levang skriv låtar som speglar opplevingar frå eige liv, inspirert av hendingar knytte til mellom anna vennskap, kjærleik og arbeidsliv. Mellommenneskelege relasjonar står sentralt i låtskrivinga hans.
Eirik Levang har vakse opp i Fyresdal i Telemark og syng på førsdalsdialekt. Fleire av tekstane hans ber preg av å ha vakse opp i ei lita bygd. Etter å ha budd fleire år i Oslo, kjem opplevingar av kontrastane mellom bygd og by òg tydeleg fram i tekstane.
Eirik Levang slapp si første singel, «Eg veit ingenting», 28. februar, og følgde opp med låta «Fleir enn ein» 13. juni. Den 6. mars gir han ut den nye singelen «Femårskrise».
Den 18. april kjem han heim att til Fyresdal, og står på scena i kulturhuset. Her tek han publikum med på ei reise til stadene låtane hans er inspirerte av. Konserten byr på eit repertoar av eigne låtar, sett saman som ei kronologisk reise gjennom stadene han har budd og levd. Publikum vert invitert med på ei personleg musikalsk forteljing som startar i Fyresdal og reiser vidare til livet i storbyen.
Billettpris: Kr 200,-.
Prisar
Pris: 200,00
Kontaktinformasjon
FK
Tlf: 35067100
E-post: postmottak@fyresdal.kommune.no
Visast ikkje arrangementet slik det skal?
Rapporter feil eller manglar i kalenderen.