Kunstutstilling av Reidar Kolbrek
Lårdal Brygge
Ved brygga i Lårdal har me gleda av å stille ut lokal kunst og handverk på «Sjøbui» – eit bygg som tidlegare vart brukt i samband med transport av varer via vassvegen, Bandakkanalen.
Hovudutstillar er biletkunstnar Reidar Kolbrek. Han stiller ut kunstverk med stor variasjon – både nyare, meir abstrakt kunst, som Kolbrek sjølv omtalar som «kolossar» og «formasjonar». I tillegg syner han meir klassiske bilete som framstiller Telemarks natur gjennom årstidene – inkludert akvarellar og kjende verk av dei blomstrande epletrea frå Lårdal.
På Sjøbui vert det òg stilt ut keramikk laga av Gerd Danbolt. Ho held til på Svalstoga i Grungedal og arbeider med porselensleire – ein unik teknikk som får fram det vakre i porselenet og fangar ljoset.
Keramikaren stiller ut eit breitt utval av koppar i ulike seriar, med både mønster, fine fargar og meir nette og eksklusive motiv.
I tillegg til variert kunst tilbyr Lårdal kunstutstilling òg sal av nysteikte vaflar, kaffi og dagens bakverk, samt lokal honning og andre produkt.
Ver varmt velkomne!
Alle datoar
Laurdag 27. juni – laurdag 1. august:
Alle dagar: 13.00 – 18.00
Kontaktinformasjon
Lårdal Kunstforening
Tlf: 908 30 802
E-post: tveitovalenciamaria@gmail.com
Visast ikkje arrangementet slik det skal?
Rapporter feil eller manglar i kalenderen.