Medverknadsmøte om Fyresdal friluftsbad
Fyresdal Næringshage
Fyresdal kommune inviterer alle innbyggarar til eit ope medverknadsmøte om Fyresdal friluftsbad, eit mogleg nytt inkluderande bade- og aktivitetsanlegg ved Fyresvatn.
Prosjektet er eigd av Fyresdal kommune, med Høgde som prosjektleiar og Feste Landskap og Arkitektur som designpartner (støtta av DOGA). Vi er nå i ein utforskande forstudiefase, der vi ynskjer å finne ut kva bygda treng og ynskjer, og like viktig: Kva vi ikkje må øydeleggje eller stenge for av aktivitetar som er viktige i dag. Det er ikkje sikkert at prosjektet kan realiserast, her er mange faktorar som skal stemme, men innspela dykkar er ein start og det viktigaste grunnlaget å spele vidare på.
På møtet får de ein kort presentasjon av prosjektet og kva det kan bety for bygda og oss som bur her, før vi jobbar saman for å kartlegge behov, draumar, moglegheiter og bekymringar.
Vi vil gjerne høyre frå alle – unge, vaksne og eldre! Ungdom spesielt: Kom og sei kva som er viktig for dykk!
Velkomen til Fyresdal Næringshage, møterom Roan, tysdag 2. desember kl. 18.00. Vi håpar du vil bli med og seie di meining!
Kontaktinformasjon
Fyresdal kommune
Tlf: 35067100
E-post: postmottak@fyresdal.kommune.no
Visast ikkje arrangementet slik det skal?
Rapporter feil eller manglar i kalenderen.