Kim Wigaard- Sangens kraft og musikkens betydning- Seniordagane 2026
Vinjehuset
Tema for Seniorddagane 2026 er Aktivitet, fellesskap og tryggleik. Kveldsarrangementet er ope for alle uansett alder og er eit samarbeid mellom Vinje kommune, Folkeakademiet Vinje og Vinje Sanitetslag. Medlemar får redusert pris.
Songar, korleiar, coach og programleiar Kim Wigaard er kjend for å leie Demenskoret, men òg for å vere vinnar av Stjernekamp 2025, vinnar av Maskorama 2024, og for sine deltakingar i Melodi Grand Prix, The Voice, Idol og Beat for Beat.
Bli med på eit inspirerande foredrag der Kim snakkar varmt om kor godt musikken kan vere for oss alle, og kva slags tyding musikken har for oss menneske. Dei fleste har eit minne der musikken spelar ei rolle – anten det handlar om forholdet til eit kjært familiemedlem, låta som alltid vert spela på venneturen, eller ein song som gir deg styrke og byggjer deg opp. Musikk er godt for oss alle, og vi kan no òg sjå kor helsefremjande musikk er for dei som er sjuke.
Kim deler varmt erfaringar frå arbeidet med Demenskoret, korleis dei gjennom musikken skapar gode minne, men endå viktigare – korleis dei skapar meistringskjensle og ein betre kvardag for dei som har det litt tøft.
Kim ønskjer at vi alle skal tore å syngje, syngje med den stemma vi har, for det gjer oss så godt! På slutten av foredraget tek han dykk med inn i kjensla av å vere på korøving, med korleis jobbe med stemma, korleis varme opp, korleis lære seg å syngje åleine og syngje saman.
Prisar
Medlem: 245,00
Voksen: 345,00
Kontaktinformasjon
Seniordagane, Folkeakademiet, NKS Vinje
Tlf: 35062300
E-post: postmottak@vinje.kommune.no
Visast ikkje arrangementet slik det skal?
Rapporter feil eller manglar i kalenderen.